ВЕЛӦДЧӦМ ЙӦЗ ОЗ ОТСАВНЫ

Кӧрткерӧсын (Кулӧмдін уездын) коммунист да комсомол ячейкаяс уджалӧны бура. Ӧні лӧсьӧдісны нёль кружок: политграмота велӧдны, математика да мукӧдтор. Кружокъясын велӧдчӧны коммунист да комсомол, уна том йӧз. Волывлӧны кывзыны и гырысьджыкъяс. Сӧмын ӧні неуна волывлысьяс чиныштісны, уджъяс вылӧ муналӧмаӧсь да. Быд вежонын овлывлӧны спектакъяс. Спектакъяс вылӧ йӧзыс волӧны ёна, радейтӧны сійӧс вичко дорысь ёнджыка.

Школаын велӧдысьяс вӧлӧсьтын нёльӧнӧсь. Найӧ (ӧти велӧдысь кындзи) зэв на омӧля нуӧдӧны удж йӧз пӧвстын. Сэсся эм пельшӧр, акушерка, Русголландлесын уджалысьяс. Найӧ дзик нин некутшӧм удж йӧз пиын оз нуӧдны. Акушерка сӧмын вичко тӧдӧ.

Абу тадзитӧ лӧсьыд. Колӧ босьтчыны удж бердӧ. Ми, Кӧрткерӧсса йӧз, ёна виччысям тіянлысь отсӧг.

Аддзысь.