ЫЛӦДЧӦМАӦСЬ

Висдінын (Айкатыласа вӧлӧсьтын, Емдін уездын) крестьяна арнас шуисны выль пӧв юклыны видз-му. Скод вылын бӧрйисны муяссӧ муртавны йӧзӧс. Веськалӧмаӧсь сэтчӧ унджыкыс озырджык крестьяна. Муяс мурталігӧн найӧ гӧль йӧзлы пуктӧмаӧсь мерасӧ кык мында унджык, ассьыныс да рӧдвужныслысь чинталӧмаӧсь. Ноябрын 20-ӧд лунӧ скод вылын кыптіс тайӧ кузя сёрни. Ёна вензисны. Бӧрйисны комиссия выль йӧзысь, тшӧктісны налы кымынкӧ му муртавны, тӧдмавны, ёна-ӧ мурталігас ылӧдчӧмаӧсь. Колӧ сы йылысь выль бӧрйӧм йӧзлы зэв нин бура тӧдмавны.

Юклам.