ЕПО УДЖАЛӦ

Дереваннӧйын (Кулӧмдін уездын) Еполӧн тайӧ во джыннас оборотыс вӧлі 13000 шайт дон. Крестьяналы колан тӧвар эм. Епо ёна отсаліс кӧлуйӧн дай сьӧмӧн нардом да лыддьысян керка пытшкӧсъяс вӧчны. Таво вӧралысьяслы удждавліс 100 шайтӧн. Сӧмын вӧралысьяс Еполысь ӧдвакӧ вермасны уджйӧзсӧ мынтыны. Урыс налы зэв этша шедӧма. Епо ачыс вӧчліс договор Госторгкӧд, кӧсйысьліс сылы сетны ур куяс. Ог тӧд, кыдзи кутас Госторглы мынтысьны. Ӧні бӧрйисны Епоӧ выль Правленньӧ да ревизионнӧй комиссия. Веськалісны сэтчӧ бура уджалысь йӧз: куим коммунист да куим беспартийнӧй.

Пеля морт.