ШУӦМНЫД МЕД ВУДЖАС ВӦЧӦМӦ

Изкар десятаын (Кӧдзвыв вӧлӧсьтын, Сыктыв уездын) ӧти чукӧртчылӧм вылын крестьяна сёрнитісны му-видз уджалӧм бурмӧдӧм йылысь. Крестьяна шуисны: колӧ пӧ важ ногӧн му уджалӧмысь дугдыны, босьтчыны уджавны выль ногӧн. Колӧ регыдджык вӧчны став Кӧдзвыв вӧлӧсьт кузя му-видз лӧсьӧдӧм (землеустройство), быдӧнлы отсавны сійӧ уджсӧ нуӧдны, мед регыдджык эштас. Тӧдысьджык йӧзлы тшӧктыны висьтавлыны собранньӧяс вылын, кыдзи вӧчсьӧ тайӧ уджыс, мый вӧсна выль нога уджалӧмӧ бурджык вуджны.

Ӧні крестьянинлы сетсьӧ дон босьттӧг дас керйӧн быд керкалы. Сійӧ керъяссӧ крестьяна шуисны сетны гӧльджык йӧзлы, кодъяс таво кӧсйӧны лэптыны выль керка.

Габ-як.