ПАДЖГАСА ТОМ ВОЙТЫР, САДЬМӦЙ!

Паджга вӧлӧсьтын деревняясын — Лӧзымын да Гаръяын — том йӧз важӧн нин ӧтувтчалісны, пырисны комсомолӧ. Мӧда-мӧд вылӧ видзӧдӧмӧн уджалӧны найӧ сэні, вӧчавлӧны бур гажъяс, чукӧра лыддьысьӧмъяс, бур сёрнияс. Гаръясаяс неважӧн сувтӧдлісны спектак «Райын». Аттьӧ Гаръяса том войтырлы! Водзӧ гажӧдӧй миянӧс, пемыд йӧзӧс.

Паджгаса том войтыр ёна бӧрӧ кольччӧны асланыс деревняса ёртъяссьыс. Налы эськӧ лӧсьыдджык, кокньыдджык ӧтувтчыныс да ӧтувсӧ уджавны, да оз кыдзкӧ: аслысныра йӧз. Кымынысь на ордӧ воласны шефъясыс, собранньӧяс чукӧртласны, асланыс профсоюзса шленъясыс мый оз тільсьыны сувтӧдны найӧс веськыд туй вылӧ — немтор оз отсав. Нардомсӧ со лӧсьӧдісны, мичмӧдісны — том йӧзлы веськодь: оз сэтчӧ найӧс кыскы. Войпуканінъяс налы мусаӧсь, верст кык сайӧ кӧть йӧктыныд мунасны.

Садьмӧдчӧй, пальӧдчӧй чорыд унсьыныд, Паджгаса том войтыр! Вӧтӧдӧй сюся олӧмнаныд ассьыныд ёртъяснытӧ, эн кольччӧй наысь!

Шыран кок.