ТРАКНИТАНТОР

Одыб вӧлӧсьтын (Кулӧмдін уездын) налог таво гӧльджык крестьяналы лои мынтыны унджык озыръяс да важ купечьяс дорысь. Гӧльджык крестьянин видзӧ ӧти-кык мӧс да вӧв, озырджык йӧз видзӧны квайт мӧскӧдз да кык вӧв, налогсӧ мынтӧны ӧтмоза. Мукӧдыслы ещӧ льготаяс на сетӧны, джын налогсӧ кымын шыбитӧны.

Ноябрын 23-ӧд лунӧ Одыбса гӧльджык крестьяна собранньӧ вылын кутісны юасьны налог пукталӧм йылысь Исполкомса юралысьлысь, Жижовлысь, тшӧктыны выль пӧв лӧсьӧдны налы налог, медым озырджык крестьяналӧн гӧль серти лоӧ унджык. Вӧлӧмкӧ озыръяс да важ купечьяс ассьыныс унджык скӧтсӧ дзебӧмаӧсь учётсьыс. Сы вӧсна налӧн и абу ыджыд налогныс. Собранньӧ вылын найӧ кутісны шуны: гӧльяслы пӧ налогнысӧ мынтыны отсыштам. Оз нин пӧ ков уна (став) скӧтсӧ висьтавны. Висьталам кӧ пӧ, вывті вылӧ каяс вӧлӧсьтнымлы налогыс. Собранньӧ вылын гӧльджык крестьянатӧ венісны.

Скӧт лыдсӧ дзебӧмысь медся ёна мыжа Исполком.

Колӧ Исполкомса юралысьӧс дугӧдны водзӧ уджалӧмсьыс, важ уджалӧмсьыс кыскыны кытчӧ колӧ, тракнитны.

П-ов да Войшӧр.