ВЕЛӦДЧЫСЬЯС ПЫРӦНЫ МОПР-ӧ

Таво декабр 10-ӧд лунӧ сельскокӧзяйственнӧй Педтехникумса велӧдчысьяслӧн вӧлі чукӧртчылӧм. Сэні Шеболкин ёрт тӧдмӧдіс найӧс мукӧд государствоса олӧм‐вылӧмӧн: кутшӧм сьӧкыда овсьӧ сэні уджалысьяслы, кутшӧма найӧс нартитӧны, дзескӧдӧны, кутшӧм уна войтыр — уджалысьяс дор сулалысьяс — мучитчӧны капиталист тюрмаясын; тӧдмӧдіс, мый лоӧ МОПР, мый вӧсна сэтчӧ колӧ пырны.

Шеболкин висьталӧм бӧрын велӧдчысьяс пондісны гижсявны шленӧ — МОПР-ӧ. Комсомолечьяс ставныс пырисны — 16 морт; беспартийнӧй велӧдчысьяс — 25 морт. Став велӧдчысьыс 67% пырисны МОПР-ӧ.

П. С.