КЫПӦДАМ ОВМӦС

Паль вӧлӧсьтын (Емдін уезд улын) тайӧ воясӧ овмӧс крестьяналӧн важ серти ёна нин кыптіс. Сотчӧмвыв грездын эм сельскокӧзяйственнӧй тӧварищество, кытчӧ пырӧма 28 морт. На пиысь джынйыс кымын ёна гӧльяс, мӧд джынйыс — оланаджыкӧсь. Тӧвариществоса шленъяс ставныс нин му уджалӧны плугъясӧн. На вылӧ видзӧдӧмӧн мукӧд крестьянаыс плугъястӧ лӧсьӧдалісны. Ӧні вӧла йӧзлӧн сё морт пытшкысь зэв нин плугъяс абуӧсь дас крестьянинлӧн кымын. Локтан во кежлӧ и найӧ шыбитасны лёк пӧсь кисьтан ас гӧртӧ, кутчысясны плуг бердӧ.

Сельскокӧзяйственнӧй тӧварищество ас выннас ӧні вӧчис сир пуан завод. Сійӧ завод уджалӧмӧн тӧварищество ещӧ на ёнмас.

М. Ёгор.