НАЛОГ АБУ ЫДЖЫД

Сёрни костын унаысь кывлан, важ дорысь пӧ ӧні налогъясыд гырысьӧсь.

Ме ногӧн абу сідзи. Миян асланым власьтыд кужӧ вотъястӧ лӧсьӧдавнытӧ, пукталӧ вермӧм серти да овмӧс серти. Со миян Вылыс Вочӧ (Кулӧмдін уездын) вайисны окладнӧй листъяс. Унджыкыслысь корӧны сӧмын вит шайт гӧгӧр. Войдӧр, сар дырйи, мынтылӧмаӧсь сэтшӧм крестьянаыс 17 шайтӧн да унджыкӧн. Мужикъяс унджыкыс колины здӧвӧльӧнӧсь. Шуасьӧны ыджыд вот вылӧ сӧмын озырджык, уна мӧска да уна му-виддза йӧз.

Парма пи.