КОЛӦ МЫРСЬЫНЫ

«Правда» газетлӧн редакцияыс уна губерняысь чукӧртліс колян вежонын газетӧ гижысьясӧс. Газетӧ гижысьяс ёна гӧгӧр мӧвпалісны, кыдзи колӧ водзӧ уджавны. Тайӧ лунъяс налӧн съездыс помасис. Асланыс резолюцияясын газетӧ гижысьяс шуӧмаӧсь: ёна пӧ тайӧ воясӧ колӧ мырсьыны газетӧ гижӧм вылын, медся нин ёна сиктса гижысьяслы. Съезд шуӧма: газетӧ гижысьяс пӧ оз пуктысьны начальствоӧн ли, бӧрйӧмӧн ли, а сӧмын ас кост сёрнитӧмӧн водзмӧстчысь окочӧй йӧз пӧвстысь. Ӧнісянь газетӧ гижысьяс быдлаын кутчысьӧны уджӧ сьӧлӧмсянь.