ЧЕЛЯДЬЯС ВОДЗМӦСТЧӦНЫ

ПОЗТЫКЕРӦССА школаын (Кулӧмдін уездын) велӧдчысь челядьяс ыстісны редакцияӧ деньга, корӧны газет. Асланыс сёрнигижӧдын шуӧмаӧсь: «...воӧм газетъяс нулыны гортӧ лыддьыны мам‐батьяснымлы, сэсся бӧр вайны да сетны мӧдлы сы вылӧ жӧ».

Со кутшӧм бура мӧвпалӧны Позтыкерӧсса челядьяс. Асьныс велӧдчӧны дай пемыд бать-мамсӧ кӧсйӧны велӧдны. Тадз колӧ эськӧ став челядьлы миян Обласьтын босьтчыны, ас велӧдчигмозыс югдӧдны пемыд бать-мамъяснысӧ.