КОМИ КУРСЪЯС

Таво Октябр тӧлысьын воссисны курсъяс роч йӧзлы, кык чукӧр (группа), ветымын мортӧн чукӧр вылӧ.

Зіля босьтчисны роч йӧз велӧдны коми кыв. Медбура волывлӧны велӧдчыны Обсудысь, Прокуратураысь да Госстрахысь. Сэсся Обземуправленньӧысь, Обсоюз Кооперативысь да Гор-Епоысь (карса кооперативысь).

Омӧльджыка волывлӧны велӧдчыны Административнӧй отделысь, Обпрофсоветысь, Обздравысь, Социальнӧй Обеспеченньӧысь, Госторгысь да Банкысь.

Эмӧсь и ас окотасьыс велӧдчысьяс: Едскӧй — Обпланысь, Амосов — Обфоысь, Городецкая — «Коми муысь», сэсся Виноградова Ф. П. да Богословская.

Комиӧн велӧдысь Д. Исакова.