КӦРТКЕРӦСЫН

(Кулӧмдін уездын)

Му-видз мерайтны крестьяна таво бара оз вермыны лӧсьӧдчыны. Озырджык олысь йӧз оз сетчыны гӧльджык крестьяналы, пыр кыскӧны асланьныс. Революция бӧрсянь пыр на мерайтчыны крестьяна кӧсйылісны. Гижсявлісны ӧткымын ӧтрубӧ петӧм вылӧ, да некыдзи эз вермыны, ӧти скод вылын налы йӧз кӧсйысясны сетны му, мӧдын бара петитчасны.

Кооператив уджалӧ бура. Шленъяс сё кызьысь унджык нин. Рӧспута дырйи тӧвар вӧлі этша. Ӧні воис выль мера: метр да грамм. Сійӧн нин и веситчӧны да мерайтчӧны. Кооператив аслас скод вылын (скодыс вӧлі неважӧн) шуис дӧва бабаясӧс босьтны кооперативӧ шленӧн дон мынтытӧг.

Поп-дяк вылӧ йӧз, медся ёна том войтыр, видзӧдӧны букышӧн. Вичкоӧ ветлывлӧны сӧмын пӧрысьяс. Гӧтрасьны ӧні оз нин мунны вичкоӧ, сӧмын исполкомын гижсьӧны. Эм нин бура уна поп ордын пырттӧм кагаяс.

«Кияса».