УР КЫЙӦЙ КАДЫН

Ми, дзик тӧдтӧмла да завидь понда, тайӧ воясӧ асьнымӧс асьным гӧльмӧдам вӧрасигӧн. Арнас водз петам ур кыйны — кыям дзик гӧрднас. Сэсся тулысын кушӧдз кыям. Рӧдыс урлӧн оз коль пӧшти ньӧти. Тадзи кӧ ещӧ кутам кыйны, миян оз коль весиг ӧти ур. Ур пиалӧ во пиын куимысь. Вайӧ ӧтпырйӧ 7−8 пи. Со ӧд эськӧ кутшӧма рӧдмӧ урыд, прамӧй ногӧн кӧ кыйны сійӧс. Ӧні ми кыдзисюрӧ кыйӧмӧн мый ыджда убытка вӧчам аслыным дай государстволы.

Та йылысь миян Сюзяыбса кооперативын ӧні сёрнитісны, мӧдӧдісны гижӧд Обсоюзӧ, корӧны, медым сійӧ тшӧктас быд кооперативлы гӧрд ур куяс не босьтавны дзикӧдз. Шуим тулысын ур кыйӧмысь дзикӧдз дугдыны. Ми чуксалам быдлаын Коми муын гӧгӧрвоӧма йӧзлы миян ног вӧчны.