КОКНЬӦДӦМ ВИЧЧЫСЯМ

Ыджыдвиддзын (Кулӧмдін уездын) унджык йӧзыс олӧны вӧралӧм вылын. Вӧралысьяс таво босьталісны кооперативлысь уджӧн тӧвар, кӧсйылісны мынтысьны ур куӧн. Быд мортлӧн босьтасьӧма кооперативысь 50−60 шайт дон. Ур таво этша. Мукӧд вӧралысьыс локтісны нин гортас, да ур ку нинӧм мында абу вайӧмаӧсь. Мукӧдлӧн дасысь уна абу, шочлӧн воӧ 100 ур куӧдз. Шуӧны: зэв пӧ нин бур вӧралысь гашкӧ кыдзкӧ-мыйкӧ вермас воны 200 куӧдз. Уджйӧз кооперативлы таво некыдзи вӧралысьяс оз вермыны мынтыны.

Кооператив крестьяналы сеталіс уджӧн тӧвар 10 сюрс шайт дон кымын. Сійӧ босьтліс Обсоюзлысь сьӧм вексель серти куяс вылӧ. Ӧти вексельлӧн срокыс тыри декабр 1-й лунӧ. Колӧ мынтыны кык сюрс шайт, кооперативлы мынтысьны нинӧмӧн.

Оз кӧ Обсоюз код ногӧн кӧ кокньӧд Большелугса кооперативлы, кооперативыс дай йӧзыс дзик пикӧ воасны.

Видзӧдысь.