КОМИ ВЕЛӦДЧЫСЬЯСЛӦН ЧУКСАСЬӦМ

Яткаын коми велӧдчысь чукӧрлӧн ноябрын 9-ӧд лунӧ вӧлӧма собранньӧ. Сэні Айкатыласа (Емдін уездса) кооперативын уджалысь Исаков ёрт висьталӧма Айкатыла сикт электрифицируйтӧм йылысь (электричество лӧсьӧдӧм йылысь).

Коми велӧдчысьяс ошкӧны сыысь Айкатыласа крестьянаӧс, шуӧны: миян пӧ сиктъяс пиысь медводз садьмӧмаӧсь нэмӧвӧйя узьӧмысь Айкатыласа йӧз. Налӧн пӧ керкааныс сартас да дзузган би пыдди ломзьӧ электричество, найӧ пӧ медводз чукӧстчисны, гӧгӧрвоисны кывъяс миян ыджыд велӧдысьлысь Владимир Ильич Ленинлысь.

Водзӧ шуӧны: «Электричество ёна кокньӧдас крестьяналысь уджсӧ, сійӧ ловзьӧдас, кыпӧдас олӧм. Ми надейтчам — ставныс коми крестьяна гӧгӧрвоасны электричестволысь бурлунсӧ, чуксалам найӧс сиктъясаныс лӧсьӧдавны электричество. Велӧдысьяслы, быд гӧгӧрвоысь мортлы колӧ водзмӧстчыны, висьтавлыны электричество коланлун — отсавны крестьяналы лӧсьӧдны сійӧс».

Коми чукӧр.