СТАВМУВЫВСА КОМСОМОЛЛӦН

вит вося тырӧм лун праздник Аныбын

Праздниклань паныдсӧ Нардомын вӧлі важ удж нуӧдӧм казьтылан рыт. Висьтавлісны быд организациясянь том йӧз олӧм йылысь важӧн сар дырйи, ӧні. Праздник луннас 5 часын рытын вӧлі гажа пукалӧм (торжественное заседание). Сэні праздник лун йылысь висьтавлісны бара быд организациясянь, висьтавлісны, кыдзи мукӧд государствоын том йӧз олӧны, мырсьӧны, кыдзи уджалӧ комсомол СССР-ын. Сэсся лыддисны стенӧ ӧшӧдан газет, нимыс «Югыдлань». Сизим часын заводитчис спектак, ворсісны «Ыджыд вын», «Гудрасьӧм». Йӧзыслы праздник колльӧдӧм зэв воис сьӧлӧм вылас, мед пӧ татшӧм рытыс унджыкысь овлӧ.

Аныбса.