ПЕРСИЯЫН АНГЛИЧАНАЯСЫСЬ ДӦЗМӦМАӦСЬ

Тегеран. Декабр 3-ӧд лунӧ Персияын Меджилислӧн (парламентлӧн) вӧлі сёрни англияса гижӧд йылысь. Вӧліны став Тегеранса министръясыс, кодъяс гортасӧсь (мукӧдыс, тшӧтш и медыджыдыс на пытшкысь — Риза хан, — лунвылынӧсь). Пӧшти быдӧн мыждісны Англияӧс быдлаӧ нырсӧ сюйӧмысь: кутшӧм пӧ сылы мог Персияын олӧмӧдз. Унаӧн мыждісны тшӧтш Риза ханӧс, шуӧны, сійӧ пӧ англичана дор кутчысьӧ. Мукӧдыс дорйисны Риза хансӧ.

Чукӧртчылӧмыс помасис косьӧн министръяс костын.