РЕВЕЛЬЫН КЫПӦДЧЫЛӦМ ЙЫЛЫСЬ

Ленинград. Ревельсянь (Эстонияысь) воысьяс висьталӧны, Сӧветса представительяс пӧ кӧні олӧны, сулалӧ пӧлича, быд волысьлысь видлалӧны документъяссӧ. Пӧличейскӧйяслӧн кианыс карточкаяс, став пырысь-петысьсӧ на серти тӧдмавлӧны. — Со ӧд кыдзи колан йӧзтӧ (подозреваемых) корсьӧны найӧ — Ревельса водзмӧстчысьясыд пӧ дзик ош кодьӧсь вӧліны, нем повтӧмӧсь. Медгырысь государственнӧй удж нуӧданінъяссӧ (учрежденньӧяссӧ) босьтавлӧмаӧсь вит-квайт мортӧн. Куимӧн пыралӧмаӧсь пӧлича оланінӧ, кӧні вӧлӧм 25-ӧн олӧны. Шыбитӧмаӧсь бомба. Бомбаыд нинӧм абу вӧчӧма да, косьӧ воӧмаӧсь. Кыкыс пышйӧмаӧсь кыдзкӧ, коймӧдсӧ виӧмаӧсь. Водзмӧстчысьяслӧн вӧлӧма кык аэроплан. Ӧтиыс вевъялӧма лэбны гранича сайӧ, мӧдыс — 3 километр граничаӧдзыс абу воӧма. Лэбысьсӧ эстонечьяс арестуйтӧмаӧсь. Генерал Лайдонер дзебсясьысь водзмӧстчысьясӧс корсьны ыстӧма дзонь отряд. Водзмӧстчысьяс виӧмаӧсь кымынкӧ медлёк пӧличейскӧйӧс. Эстонияын тупкисны став рабочӧй клубсӧ. Ревельса уджалысьяс унаӧн абу тӧдлӧмаӧсь тайӧ кыпӧдчылӧм йылысь — эськӧ пӧ тшӧтш отсалімӧй. Ёна каитчӧны тӧдлытӧмысь.