АНГЛИЯСА ПРОФСОЮЗЛӦН ДЕЛЕГАЦИЯ ГРУЗИЯЫСЬ МУНІС

ТИФЛИС. Англияса профсоюзлӧн делегатъяс вӧліны Грузияын. Декабр 3-ӧд лунӧ петісны Тифлисысь Мӧскуаӧ. Найӧс колльӧдӧм кузя Грузияса профсоюзъяслӧн сӧвет вӧчліс гажа рыт (банкет).

Тифлисысь петігӧн найӧ сетісны гижӧд газетъясӧ лэдзны. Гижӧны: Грузияса уджалысь йӧз пӧ лэптӧны, бурмӧдӧны кӧзяйствосӧ. Грузияса йӧзлы пӧ сӧмын Сӧвет власьт вермис сетны ас ногӧн, ас вӧляӧн олӧм. Англияса капиталистъяслӧн пӧ газетъясыс быдсяматорсӧ гижӧны Грузия йылысь. Вӧлӧмкӧ, дзик мӧд ногӧн Грузияса рабочӧйяс олӧны. Ми пӧ шензям найӧ бур олӧм вылӧ. Сӧветскӧй Грузия кутас овны пыр, сы дор сулалӧны став Грузияса уджалысь йӧзыс.