ПОШТА КУД

Сюзяыб. Ур кыйысьлы. Ыстӧм гижӧдтӧ лэдзим газетӧ. Комиӧн гижан лӧсьыда. Водзӧ кежлӧ гиж.

Мӧскуа. Оботуровлы. «Ыджыд лун Мӧскуаын»-ыд сёрмис. Гиж водзӧ.

Додз. Прокожӧйлы. Самӧкур юӧм йывсьыд гижӧмыд, да ачыд абу кырымалӧмыд. Кырымавтӧм гижӧдъяс ми огӧ лэдзӧй. Гиж ассьыд ним-овтӧ, сэки лэдзам.

Грива. Матвеевлы. Мордін. Изъюровлы. Октябр лун праздник лӧсьыда нуӧдӧмныд. Сӧмын ӧні сёр нин сы йылысь гижны газетӧ.

Волся. Квайтӧдлы. Октябр лун праздничайтӧмныд бура, сӧмын газетӧ сёрмис. Вывті нин тэ кузя гижӧмыд. Водзӧ кежлӧ гижны колӧ дженьыдджыка.

Волся. Филатовлы. Рочӧн тэ зэв омӧля гижан. Мукӧдлатіыс сідзи гудралан — некыдз он гӧгӧрво, мый тэ кӧсъян висьтавны. Гиж комиӧн водзӧ кежлӧ.

Айкатыла. Айкалы. Гижан, Шожымса том войтыр пӧ лёк ногӧн олӧны. Колӧ на пӧвстын босьтчывны уджавны, веськыд туй вылӧ индыны. Газетӧ гижӧмысь нинӧм.

Кебра. Шадринлы. Октябр лун празднуйтӧм йывсьыд сёрмис. Мукӧд гижӧдыд газетӧ оз жӧ мун.

М. Вакнинлы, тані. Яйтӧ тувкйӧдлӧм (видлалӧм) йывсьыд вӧлі гижӧма нин газетӧ (видзӧд № 232).