ВЫЛЬ НОГӦН ПЫРТЧӦМ

УЖГАЫН (Сыктыв уездын). Сизимӧд во Октябрся революция тыран лунӧ (ноябрын 7-ӧд лунӧ) вӧлі октябрины (выль ногӧн пыртчӧм). Пыртісны кагасӧ Ужгаса гӧль крестьянинлысь — М. Володинлысь.

Октябрины нуӧдісны зэв бура. Нардомӧ чукӧртчисны комсомолечьяс, Профсоюзса шленъяс, пионеръяс да уна крестьяна. Сэні висьталісны войдӧр Октябрса революция йылысь, сэсся Октябрины кузя. Кагалӧн бать-мамныс висьталісны, мыйла найӧ эз нуны кагасӧ поп ордӧ, мыйла выль ногӧн пыртӧны. Кагалы бать-мамыс шуӧм серти сетісны Модест ним. Ичӧтик Модестӧс сэні жӧ босьтісны профсоюзӧ шленӧн, гижисны пионерӧ, сетісны шленскӧй билетъяс, гӧрд бант.

Шарапов ёрт чуксаліс став пионеръясӧс дорйыны ассьыныс том ичӧтик ёртсӧ, отсавны сылы быдмыны, корис став йӧзсӧ шыбитны поп ордӧ кагаясӧс новлӧдлӧмысь да пыртчыны выль ногӧн.

Пионеръяс чукӧрӧн колльӧдісны ичӧтик пионерӧс Модестӧс Нардомсянь гортӧдзыс.

Чикыш.