ВӦВ ПЫШЙӦДӦМАӦСЬ

Ноябрын 23-ӧд лунӧ Межадорса крестьянин Морозов П. Ӧ. локтӧ вӧлӧм вӧлӧн Кебрасянь гортас. Пустӧш-Визин костын вӧлӧкас войын доддяс унмовсьӧма; садьмас да доддяс пӧ пуклӧс вылас пукалӧны кык тӧдтӧм морт, додь бӧрас ӧшӧдчӧма коймӧд морт. Морозовыд кутас юасьны, мыйла найӧ пуксисны, да тшӧктыны чеччыны. Тӧдтӧм йӧзыд чеччӧм пыдди Морозовӧс доддьысь путкыльтасны туй вылӧ, бергӧдасны вӧв да Пустӧшлань и гӧнитасны. Морозовыд эськӧ вӧтчылӧма на бӧрысь, да абу суӧма.

Кык лун мысти Морозовыдлӧн вӧлыс сюрӧма Ыжыд Визин юысь; доддьыс пӧ йи вылас, а вӧлыс вӧйӧма юас, сӧмын мегырыс тыдалӧ.

Кодъяс куим мортыс вӧлӧмаӧсь, некод оз тӧд. Абу на вермӧмаӧсь найӧс корсьны ни.

Акинь пи.