ПАДЖГАЫН

(Сыктыв уездын)

Исполком уджалӧ бура. Уджалӧны сэні велӧдчӧм, гӧгӧрвоысь йӧз.

Мӧда-мӧдлы отсасян комитет кулӧма нисьӧ ловъя. Сьӧмыс ньӧти абу, дзик нинӧмӧн отсавны пикӧ воӧм йӧзлы. Йӧзыс видзӧдӧны тайӧ комитет вылас омӧля, абу на гӧгӧрвоӧмаӧсь сылысь бурлунсӧ да коланлунсӧ.

Кооператив уджавліс пыр на бура. Ӧні арся рӧспутаӧдз эз удитны вайны крестьяналы колан тӧвар: табак, истӧг, сакар да, тшай да, чери да. Важ вайӧмыс бырлі водзджык нин.

Эм кредитнӧй тӧварищество. Уджыс мунӧ омӧля. Му уджалан кӧлуй некутшӧмӧс эз судзӧд. Шленъяслы сетавлісны сьӧм му уджаланторъяс лӧсьӧдӧм вылӧ. Сӧмын мукӧдыс сійӧ сьӧм вылас абу му-видз уджалан кӧлуй ньӧбалӧмаӧсь, а мукӧдтор.

Гаръя сиктын 35 морт ӧтувтчисны мелиорация тӧвариществоӧ. Сійӧ тӧвариществоыс косьтыны кӧсйӧ Вад нима ты. Ты местаын косьтӧм бӧрас лоӧ десятина 70 кымын ув бур видз.

Служащӧйяс быд вежонын ӧти рыт велӧдчӧны коми кывйӧн удж нуӧдны.

Профсоюзын 10 морт. Найӧ и нуӧдӧны став йӧзӧс югдӧдан уджсӧ.

Коммунист ни, комсомолеч ни абуӧсь. Зэв эськӧ найӧ колӧны. Найӧ эськӧ ӧдйӧнджык Паджгаса пемыд йӧзӧс садьмӧдісны.

Семӧ пи.