ОЗ ПОЗЬ

(«Матысса мортлы». Видзӧд «Югыд туйысь» № 237 гижӧд — «Позьӧ оз»).

Ми унаысь гижлім газет пыр, кыдзи колӧ удж нуӧдны Кредитнӧй Тӧвариществояслы, кодлы сэтысь сьӧм позьӧ сетны. Велӧдӧма тшӧтш найӧс и циркуляръясӧн. Ми тшӧктылім сьӧм удждігъясӧн чукӧртлыны комиссия — Исполкомсянь, ячейкаяссянь да мӧда-мӧдлы отсасян комитетсянь. Комиссияыс видзӧдӧ, мед эськӧ сьӧмсӧ тӧвариществоысь эз ло сетӧма бура олысь судзсяна мортлы, кодлӧн му уджалан кӧлуй тырмымӧн.

Сетіс кӧ сьӧмсӧ Абъячойса Кредитнӧй Тӧварищество зэв бур овмӧса йӧзлы, Оботуровъяслы, завод вынмӧдӧм вылӧ, сійӧ оз лючки вӧч. Завод вынмӧдӧмъяс вылӧ тӧвариществолы сьӧм сетавны оз позь. Абъячойса Кредитнӧй Тӧвариществолы тшӧктам сетӧм сьӧмсӧ Оботуровъяслы бӧр перйыны.

Комисельбанкса юралысь.