Щ-ы ДА ТШ-ыПотшӧс пытшкӧ Пуксис катша: «Тшыкӧ-тшыкӧ», Шуис тшапа, Кыліс сійӧс Сюсь «лингвист», Босьтіс киас Юсь кодь лист. — Гижны кыдзи Кывлӧм шыяс, Мед научнӧй Лои шыпас? — Кыкног торйӧн: Тш-ы да щ-ы Гижны вӧзъя Буква щ-ы. Торйӧдны стӧч Мед кык шыӧс, — Миритчытӧм Тш-ы да щ-ыӧс — Щ-ыӧн пасйӧй Ӧти Щ-ы, Мӧд Щ-ы гижӧй: Т-ы да Ш-ы. Т-ы — Ш-ы пасӧн Гижӧй «тшака», «Тшӧтш», тадз пасйӧй «Кутш» да «Катша», Но мед шуны Тані стӧч — Оз позь гижны: «Тшӧтка», «тшӧть». Кывъяс гижӧм Буква ятьӧн Вӧлі важӧн Ыджыд матӧн. Ятьыд тшукӧн Жугліс юр, Дзик некутшӧм Эз сет бур. Велӧдчысьлы Сьӧкыд юкны — Тш-ы ли, Щ-ы ли Кытчӧ тшукны? — Гижӧй, катша Тшытшкис кыдз, — «Лингвист» тшапа. Тшӧктіс сідз.
