УЖГАЫН

(Сыктыв уездын)

Став велӧдчӧм уджыс коммунист да комсомол ячейкаяслӧн август тӧлысьӧдз мунліс лыддьысян керкаын Ыбпомса сиктын.

Лыддьысян керкаясӧ ёна волывлісны крестьянаяс — пӧрысь и том. Найӧ зэв радейтӧны газетъяс да журналъяс лыддьыны, тӧдмасьны Сӧвет власьт олӧмӧн да удж нуӧдӧмӧн. Спектакъяс вылӧ, медъёна комиӧн ворсігӧн, унаӧн йӧзыс волӧны.

Паськыда удж нуӧдны коммунист да комсомол ячейкаяс август тӧлысьӧдз некыдз эз вермыны: эз вермыны, клуб да нардом эз вӧв да.

Крестьяна миян быд ногыс зільӧны кыссьыны югыдлань, тӧдмавны олӧм-вылӧм. Колӧ вӧлі восьтыны нардом. Крестьяна шуисны сетны сы вылӧ Ыбпом сиктса часовня. Неважӧн часовня керкаӧ восьтім зэв гажа нардом, шуим сійӧс «Калинин ёрт нима нардомӧн».

Ужгаса йӧз садьмисны, оз нин важ моз эскыны кутшӧмкӧ абутӧм енлы, часовняас крестъяс пыдди ӧшӧдісны гӧрд флаг, пемдӧдан керка югыдӧ пӧртісны.

Данилов.