ЭНГЕЛЬС

Сё нёль во сайын, 1820-ӧд воын, талунъя лунӧ чужис Фридрих Энгельс. Батьыс сылӧн вӧлі немеч — пабрика кутысь (озыр морт); сы понда Энгельс водз вермис тӧдмавны озыръяслысь мудера олӧмсӧ, гӧль йӧзӧс нартитӧмсӧ. Энгельслы зэв эз во сьӧлӧм вылас озыръяслӧн гӧльяс помысь гажа-долыда олӧмыс. Кызь кык арӧсӧн батьыс сійӧс мӧдӧдіс Англияӧ тӧдмавны сэтчӧс тӧргуйтӧмъяс йылысь. Сы пыдди Энгельс сэні тӧдмаліс коммунизм йылысь. Гортас локтӧм бӧрын, 1844 воын, Энгельс лэдзис нига: «Кутшӧма олӧны англияса рабочӧйяс». Сэки жӧ сійӧ тӧдмасис Карл Маркскӧд. Энгельслӧн Маркскӧд уджыс муніс 40 во чӧж (Маркс кувтӧдз), пыр найӧ уджалісны ӧтвылысь, весиг мӧвпавлісны ӧткодя. Найӧ ӧтвылысь лэдзисны 1848ʼ воын «Коммунистъяслӧн манифест». Маркс кулӧм бӧрын Энгельс чукӧртіс сылысь гижӧдъяссӧ да печатайтіс. Найӧ водзмӧстчӧмӧн вӧлі лӧсьӧдӧма І-й Интернационал.

Кыдзи К. Маркс, сідз жӧ Энгельс лыддьыссьӧ уджалысь йӧзӧс велӧдысьӧн, туй индалысьӧн.

Энгельс куліс 1895 воын, тулыснас^Збыльысь кӧ, августын. — А. В./^.