ВИТ СЮРС ДАЙ ПОМ

Сиктса газетӧ гижысьяслы

Миян газет сиктъясӧ мунӧ вывті вывті этша. Сӧмын 69 крестьяна гижсьӧма газет вылӧ. 200 сюрс олысь пытшкысь сӧмын 69 крестьяна! Тадзитӧ коми крестьянинӧс ми некор огӧ вермылӧй мырддьыны пемыд олӧм кипод улысь. Ӧні ми газет лэптыны кутчысим вит сюрсӧдз. Сы пиысь шуим сиктъясӧ ӧні кежлӧ разӧдны 1500 газет. Колӧ быдӧнлы та йылысь мӧвпыштны, колӧ корны газет, медым воас быд дас керка вылӧ ӧтик газет.

Газетӧ гижысьяс! Тіян газетӧ гижӧм мог кындзиыс нӧшта эм ыджыд мог — паськӧдны сійӧ газетсӧ сиктъясӧ. Кутчысьлӧй тайӧ удж вылӧ ӧдйӧджык, регыдджык, чорыда. Энӧ вунӧдӧй, «Югыд Туй» колӧ лэптыны вит сюрсӧдз. Вит сюрс дай пом!