КЫССЬӦНЫ ЮГЫДЛАНЬ

Позтыкерӧсса граждана собранньӧ вылын велӧдчӧм йылысь сёрнитӧм бӧрын шуисны: лыддьысьны-гижны велӧдчӧм пӧ миянлы быдӧнлы колӧ; колӧ пӧ пырысьтӧм-пыр восьтыны лыддьысьны-гижны велӧданін, ветлыны быдӧнлы рытын. Коді оз кут волывлыны, юӧртны собранньӧяс вылын. Челядя нывбабаясӧс тшӧктісны велӧдны гортаныс лыддьысьны кужысь йӧзлы.

Сійӧ собранньӧ вылас жӧ шуисны вӧчны ас сиктаныс кык судта школа. Таво тӧв гражданаыс асьныс кӧсйӧны школа вылӧ вайны 1200 кер.

Бур удж вӧчанныд ті, Позтыкерӧсса ёртъяс! Водзӧ кежлӧ тадзи уджалӧй!

Ал.