КООПЕРАТИВ УЗЬӦ

Абу жӧ быдлаын кооперативыд ӧткодь. Гамад со бура нуӧдны уджсӧ кутӧмаӧсь да, кооперативыд кыптӧ-ёнмӧ; купечьясӧс вермӧ. Босьтам ӧні мӧд кооператив — Позтыкерӧсысь (Сыктыв уезд улын). Сэні уджыс омӧля мунӧ. Мыйла? Председательыслӧн уджъясыс вунласьӧ. Весиг сійӧ тшӧт нуӧдысьыслы (счетовод) мешайтӧ уджавныс. Дерт, узьӧмнад уджыд оз мун водзӧ. Колӧ пальӧдчыны. Узигкостіыд ӧд вермасны быдсяма лёксӧ вӧчны. Унзіль йӧзтӧ некор оз ков бӧрйыны татшӧм ыджыд делӧ вылад.