ПӦДТӦНЫ ГЕРМАНИЯСА ЙӦЗӦС

Германиялысь военнӧй налог перъян комиссиялӧн главнӧй агентыс, Гильберт (американеч), газетын лэдзӧма отчёт удж нуӧдӧмысь. Тайӧ отчёт сертиыс, кык тӧлысьӧн (сентябр да октябр) Германия мынтӧма военнӧй налогсӧ 170 миллион марка (82 миллион шайт гӧгӧр). Тайӧ налогсӧ Германиялы сюйисны озыр государствояс — Франция, Англия, Америка, воддза войнаысь убытка лоӧмысь. Став налогыс тайӧ усьӧ рабочӧй да крестьяна сьылі вылӧ.