Общественнӧй лавкаясӧ пайӧ пырӧм йылысь

1) Общественнӧй лавкаясӧ пайӧ пырӧны ас вӧляысь.

2) Членӧ пырӧмысь босьтсьӧ вступительнӧй — 30 шайт (1922 вося деньгаӧн) да пай — 120 шайт, ставыс босьтсьӧ 150 шайт. Пай лӧсьӧдӧма нянь дон серти.

3) Пайӧ пырны позьӧ быдӧнлы, кодлы тыри 16 арӧс.

4) Пай пуктыссьӧ ӧтпыр общественнӧй лавка восьтӧм бӧрын кык тӧлысь тыртӧдз. Тайӧ строк бӧрын пай босьтсьыны кутас пуд сю дон.

5) Гӧль йӧзлы, коді оз вермы пуктыны пай, общӧй собранньӧ вермас лӧсьӧдны ӧтик пай, барышсьыс 25% бергӧдны сы вылӧ.

6) Во помасьӧм мысти 25% лавка барышысь юксьӧ пайяс серти быд пайщиклы.

Содтас: Вит пайысь унджык ӧти мортлы пуктыны оз позь.

7) Вступительнӧй бӧр оз сетчы. Пай, петан кӧ обществоысь, сетчӧ бӧр, сӧмын оз пыр, во помасьӧм мысти, кор общӧй собранньӧ видлалас лавкалысь отчёт, да кор пай босьтысь морт уджйӧзсӧ вештас.

8) Пайщикъяслы тӧвар вузалӧны донтӧгджык, унджык да ӧдйӧджык.