ОДЫБЫН

Одыбса Потреб. Общ. колян во вӧчис оборот 20,000 шайт дон, заводитліс бура уджавны, ӧні тай вузасьысьясыс, буракӧ, кутісны ассьыныс зепнысӧ тыртныс. Йӧзыс оз ошкыны найӧс, увгӧны: аддзӧны, кыткӧ омӧля удж кутіс мунны лавкаясын. Мыйла омӧля, оз тӧдны. Ревизия эз на лолы, вузасьысьяс мый колӧ, сійӧ и вӧчӧны. Вогӧгӧрся удждон 900 шайт.

Исполком.

Важ Исполкомыс уджавліс лёкиника. Ог тӧд, выль служакъяс кутасны оз бурджыкасӧ уджавны.

Налогъяс оз лӧсьӧдны овмӧс серти. Пемыд-гӧль йӧз увгасны да бурногса туйсӧ корсьны оз и вермыны; лоӧ мынтыны, мый лӧсьӧдас исполкомыд.

Йӧз югдӧдан керкаяс абуӧсь.

Сюсь велӧдчӧм йӧзыс абу жӧ. Код эм, корсьӧма шоныд места (ставыс вузасьысь) да олӧны шоныд паччӧр вылын моз. Позьӧ эськӧ восьтыны лыддьысян керкатӧ поп керкаӧ да, оз убӧлитны ӧтдортны (мукӧд вӧлӧсьтас тай эськӧ важӧн нин чышкӧмаӧсь найӧс да). Школа вӧлӧсьтын ӧти, велӧдысь ӧти жӧ, сиктъяс эмӧсь 2−6 верст сайын-а.

Колӧ нӧшта восьтыны ӧти школа да ыстыны сэтчӧ кык велӧдысьӧс.

Син-Пель.