ФРАНЦИЯ СССР-ӧс ПРИЗНАЙТӦ

«Чичерин ёрт ним вылӧ воис Францияса правительствосянь Эррио (францияса медыджыд министр) кырымалӧмӧн гижӧд Сӧвет правительствоӧс дзикӧдз признайтӧм йылысь.

Францияса правительстволӧн гижӧд.

«Франция Республикалӧн правительство признайтӧ ӧтувтчӧм Сӧвет Социал Республикаяслысь правительствоӧс важ Россия Империя пасьтала, кытӧні олысьясыс сійӧс признайтӧны Россияса важ правительствояс пыдди. Францияса правительство ӧні жӧ вермӧ артмӧдчыны Сӧвет правительствокӧд удж нуӧдны посолъясӧс пуктӧмӧн. Францияса правительство Сӧвет правительствокӧд кӧсйӧ корсьны туй водзӧ кежлӧ мӧда-мӧдкӧд бура тӧргуйтны, сӧмын колӧ Франциякӧд важсьыс артмӧдчыны. Кор кӧсйысянныд босьтчыны сёрнитны тӧргуйтӧм йылысь, пондам виччысьны Парижӧ тіянлысь делегатъясӧс, мед найӧ миян уполномоченнӧйяскӧд вермисны ӧтлаасьлыны. Выль сёрни бура помасьтӧдз важ договоръяс огӧ пондӧй лыддьыны вынаӧн. Мӧда-мӧд аскостса олӧмӧ суитчӧм ӧнісянь пондам лыддьыны дугӧдӧмӧн. Эррио».