ОКТЯБРИНА ЧУКЛӦМЫН

Лои первойя выль ног пыртчӧм Чуклӧмын октябр тӧлысьын первой лунӧ. Чуклӧмса союз молодёж корис Октябрина вылӧ Визинысь тӧлкаджык йӧзӧс, ачыс союз молодёжыс эз на куж вӧчны Октябринасӧ, регыд на чукӧрмис да. Выль ног пыртчӧмсӧ лӧсьӧдіс чуклӧмса прӧстӧй крестьянин, абу партийнӧй, деревня Ключысь Сажин Василей Петрович, Гӧрд Армияӧ ветлӧм морт.

Октябрина вӧлі школаын. Октябрина вылӧ локтісны Визинса Укоммолсянь кык морт, найӧ висьталісны Октябрина йылысь ёна бура. Кагалы ним сетісны «Лена». Вель уна чукӧрмыліс йӧз; унаӧн шуисны: менам кӧ пӧ вӧлі кага — ме пӧ эськӧ тадз жӧ пырті; лучшӧ пӧ тадз пыртны, поплы куим пуд нянь нуӧм дорысь. Кагаӧс гижисны пионерӧ и шуисны: «Кор пӧ тайӧ быдмас — первой места лоӧ школаын». Важӧн нин колі тадзи, да дыр на узьӧны пемыд чуклӧмса йӧз.

Сажин.