ГЛӦТӦВ ВӦЛӦСЬТЫН

Нянь омӧля воис.

Глӧтӧвын таво нянь омӧля воис: идсӧ тулыснас быдӧн кӧдзисны роч вайӧм кӧйдыс, а сійӧ вӧлӧм оз чуж. Водзӧ вылӧ колӧ кӧйдыссӧ водзвыв чужтыны, да бура чужтыны, и кӧйдысыс мед вӧлі ас му вылысь, Коми му вылысь, а то роч кӧйдысыд зэв частӧ оз чуж.

Школа.

Школаын ставыс сё нелямын гӧгӧр велӧдчысь. Школаас сизим класс.

Школьникъяс велӧдысьяскӧд рӧбитӧны зэв бура. Организуйтӧмаӧсь школьнӧй клуб. Эмӧсь кружокъяс «Безбожник» — 13 морт, кружок Краеведческӧй — 14 морт. Драмхорын став куим вылыс классыс.

Колӧ виччысьны роботалысь бура мунӧм, медся «Безбожник» кружокын, сӧмын оз тырмы книгаяс. Вай, Коми Издательство, миянлы коми книгаяс, ворсанторъяс да мукӧд вера йылысь книгаяс.

Изба-читальня.

Робота мунӧ ошкана. Куимысь вежалун и сэсся быд праздникӧ лун и рытын восьса. Тӧлысьӧн лэдзӧ 160 морт лыддьысьысьӧс. Помещенньӧ ӧти керка, но пока олас. Профсоюз изба-читальняын лэдзӧ стеннӧй газет, «Югдӧ». Петӧ быд тӧлысьын ӧтпыр.

Овлывлӧны собранньӧяс, беседаяс — медся налог йылысь, поп-дяк йылысь. Тырыс волӧны том войтыр, сӧмын колӧны антирелигиознӧй книгаяс унджык.

Слӧбӧдаса.