КОЛӦ ВӦЧНЫ ӦТИ ПОТШӦС

Ношульсалӧн ыбнысӧ видзӧдан да, быттьӧ потшӧма зэв бура, быдлаын потшӧс черань вез кодь. Думайтан да, ӧти ыж сэтчӧ пырны оз вермы, сӧмын ыж муяс вылысь некор оз петавлы, талялас да сёяс став кӧдзасӧ. Мукӧддырйи веськавлӧны кӧдзаяс вылӧ мӧсъяс да вӧвъяс. Кысь нин тадзтӧ бур няньыд воас?! Ме ногысь, колӧ регыдджык став черань вез кодь потшӧссӧ косявны да гӧгӧртӧдны став мусӧ ӧти бур потшӧсӧн. Муяс ставсӧ колӧ муртавны да бырӧдавны боръяссӧ (межаяссӧ).

Визинса видз-му уджалан управленньӧлы колӧ туйдӧдны крестьянаӧс.

Котик.