АНГЛИЯЫН

Керзон важ уджсӧ вунӧдӧма.

Важ министр Керзон консерватор митинг вылын шуӧма: консерваторъяс пӧ (озыр партия) некор эз кӧсйывлыны торйӧдны СССР-ӧс мукӧд йӧзысь; сійӧ пӧ лои сӧмын «СССР мыж пондаыс».

Рабочӧйяс оз кывзыны буржуйясӧс.

Парламентӧ бӧрйысигӧн митингъяс вылын уна карын рабочӧйяс оз лэдзны сёрнитны консерваторъясӧс да либералъясӧс (озыръяслӧн партияяс), сёрнисӧ тупкӧны рабочӧй гимн «Гӧрд Ундар» сьылӧмӧн.

Парламентӧ бӧрйысьӧм.

Консерваторъяс либералъяскӧд 46 округын лӧсьӧдчисны ӧтув мырсьыны парламентӧ бӧрйысигӧн. 250 округын найӧ ӧтувтчыны эз вермыны.

Министръяслы абу мусаӧсь большевикъяс.

Министр Томас, рабочӧй партиялӧн шлен, шуис: «Ме эськӧ зэв ёна мустӧмта большевизм, но тӧргуйтны накӧд лоӧ. Ми ӧд эгӧ дугдывлӧй тӧргуйтӧмысь вир юысь саркӧд, либӧ Турциякӧд, кор найӧ вӧлі шырӧны-виалӧны армянаӧс». Томаслӧн татшӧм кывъяс петкӧдлӧны, кутшӧмӧсь Макдональдлӧн министръяс; ёна-ӧ найӧ торъялӧны консерваторъясысь.