ЧИТАЁВЫН

(Визин карулын)

Кӧинъяс синӧны.

Миян вӧлӧсьтын олӧны уна кӧинъяс. Скӧтӧс оз позь лэдзны вӧля вылӧ. Став вӧвъясӧс и ыжъясӧс крестьяна видзӧны гортаныс, мӧсъясӧс лун кежлӧ сӧмын вӧтлывлӧны вӧля вылӧ видзӧдӧмӧн. Мӧсъясӧс видзӧдӧны велӧдчысь челядьяс. Гырысьяс оз эштыны: колӧ мӧд удж уджавны. Сы понда миян челядь уна кольӧ велӧдчытӧг.

Кӧдзаяс йылысь.

Таво миян вӧлӧсьтын кӧдзаяс ёна омӧльӧсь. Войдӧр вӧлі ыбъяс няйтӧсь, эз позь кӧдзны; сэсся мичаммис и став ыбыс косьмис, гӧрны омӧля шедіс. Почваыд ставыс сёй, ёна лои ыбъясыд корӧгаӧсь. Ӧзимъястӧ быдӧн сёйис номыр. Унаӧн кӧдзисны мӧд пӧв.

Л.