ВЫЛЬ БЫТ

(Волсяын)

Выльногса олӧмыд ньӧжйӧникӧн вужъясьӧ деревняад пӧрысь йӧз пытшкӧ. Ӧнӧдз кӧ кагаястӧ поп ордад эз пыртны сӧмын том йӧз, ӧні и пӧрысьяс дугдалӧны пыртӧмысь. Попыд лунысь лунӧ ньӧжйӧникӧн усьӧ йӧз син водзас. Кыдзи жӧ не усьны? Асьныс жӧ попъясыс газетӧ гижӧны — ми пӧ пӧръявлам йӧзсӧ; ӧні пӧ дугдам пӧръявлӧмысь, кутам тіянкӧд (уджалысь-крестьянакӧд) ӧтвыв овны, ӧтвыв уджавны (?!).

Деревняад тӧлкаджык морт лыддьӧ сэтшӧм гижӧдъястӧ попыдлысь дай шуӧ, «асьныс пӧ ошйысьӧны миянӧс пӧръявліг, мый вылӧ пӧ ме сы дінӧ ӧні муна».

Сэсся комсомолечьясыд деревняад ёна отсалӧны йӧзыдлы поп кабыр увсьыд мынтӧдчыны. Карын, шӧр школаын велӧдчысь Н. А. Старцев ӧні арнас кыкторйӧн отсаліс семьяыслы выль быттӧ вӧчны. Ӧти-кӧ — чойсӧ сетісны верӧс сайӧ вичкоӧ пыравтӧг, мӧд-кӧ — чужысь чойсӧ поп дінӧ эз нулыны. Сетӧмаӧсь чойыслы ним: «Роза» (Люксембург кузя). Н. А. Старцевыд бать-мамыслы висьтавлӧма вера йывсьыд, бать-мамыд сӧгласитчӧмаӧсь нывтӧ поптӧг верӧс сайӧ сетны дай кагатӧ поптӧг пыртны.

Быд комсомолечлы колӧ бать-мамнысӧ велӧдны выль туй кузя мунны.

Акинь пи.