ЕНМӦС ВУНӦДТӦМ АГЕНТ

Пожӧг, Кулӧмдін карув

Госторглысь агентсӧ, Шахов Педот Ивановичӧс, колян тӧв лавкаас ӧбразъяс видзӧмысь штрапуйтлісны нин, но, буракӧ, сылы енмыд вывті муса: ӧні лавкаас бара нин пукталӧма мичаысь-мича ӧбразъяс. Сэсся колян тӧв фининспектор Удоратин да пожӧгса милиционер сылысь гираяссӧ видлавлісны, 10 пунтаысь посни гираясыс окажитчис ставыс кокньыдӧсь. Ог тӧд, мый сыысь вӧчліс Удоратин. Агентыд тай век на сійӧ кокни гираяснад вузасьӧ-а, быд ньӧбасьысьӧс венӧ.

Нолтӧ, Кулӧмдінса Уфинотдел, прамӧйджыка видзӧдлы тайӧ агентыс вылӧ!

Йӧрш.