ГАЗЕТЫСЬ ГАЖ БЫРӦ

Грива сиктын олысьяс оз вермыны виччысьны пошта воӧм. Кыласны кӧ пошта воӧмтӧ, быдӧн мунӧны пошта вылӧ — юасьӧны выльторъяс йылысь. Рытъяснас зэв уна йӧз чукӧртчывлӧ лыддьысян керкаӧ, мӧда-мӧдӧс вежӧмӧн лыддьӧны газетъяс, шуӧны, медся пӧ лӧсьыд лыддьыны коми газет — быдтор помсянь помӧдз гӧгӧрвоан. Шуасны, код пӧ бара тадзисӧ кужӧ лӧсьӧдлынысӧ-а. Медся ёна коми газет сьӧлӧм вылӧ воӧ нывбабаяслы да олӧмджык йӧзлы. Велӧдчыштӧм йӧзыд кывнысӧ бертлӧдлӧны, кыссьӧны сёрнитны рочӧн, сӧмын налысь сёрнисӧ оз гӧгӧрво ни роч ни коми, сёрнитӧны дзик Емдінса моз жӧ: «севодни пӧ кодила пув вотны да нисколько эз сюр», мӧдыс шуӧ — «ме пӧ ветлі жӧ да немножко принесла, ведра кымын будет». Ме ногысь, нинӧмла кыв бертлӧдлыны да роч кывйӧн тшапитчыны, медся лӧсьыд чиг коми кывйӧн сёрнитны.

Привда Вась.