КОММУНИСТ ПАРТИЯ ТШӦКТӦ

ЛОНДОН. Англияса Коммунист партия тшӧктӧ босьтны государство кипод улӧ: рудникъяс, кӧрт туйяс, гырысь пабрик-заводъяс, банкъяс. Мукӧд государствояскӧд вузасьӧм, ньӧбасьӧм лӧсьӧдны государство индалӧм серти; лӧсьӧдны гырысьджык налогъяс озыр йӧз вылӧ; мынтыны рабочӧйяслы жалӧванньӧ 32 шайт быд вежонысь, уджӧдны рабочӧйясӧс вежон пытшкын 44 час, мынтыны государствосянь пособйӧ кодлы оз сюр нажӧтка, бурмӧдны оланног рабочӧйяслысь бурджык патераяс сетӧмӧн, быд во сетны налы жалӧванньӧ личкытӧг кык вежон кежлӧ отпускъяс. Сетны права быдлаын сёрнитны салдатъяслы, матросъяслы. Мукӧд государствояскӧд лӧсьӧдчыны кыдз позяс ӧдйӧ, регыдджык вынсьӧдны Россия-Англия кост лӧсьӧдчӧм, сетны Россиялы уджӧн 800 миллион шайт гӧгӧр деньга да колан кӧлуй, ӧткажитчыны версальскӧй договорысь да Дауэсӧн лӧсьӧдӧм планысь, мездыны Англия кипод улысь Ирландияӧс, Индияӧс, Египетӧс, Месопотамияӧс, Цейлонӧс да Суданӧс.