КЫК КӦЧ БӦРСЯ ВӦТЛЫСЬӦМА

Сёськаса волисполкомын (Емдін уездын) ӧнӧдз юраліс Трошев А. И. Ӧні выль юралысьӧс бӧрйӧм бӧрын воссьыны кутіс сылӧн уджалӧмыс. Войдӧр некод нинӧм эз казявлыны Трошевлысь лёк уджсӧ, ме ог тӧд, мый видзӧдлӧма секретарыс. Крестьяна вӧсна тӧждысьӧм пыдди, Трошев вӧлӧм сӧмын нажӧвитчӧ. Юралӧма кыклаын: волисполкомын да кооперативын. Кооперативад буракӧ лӧсьыдджык вӧлӧма уджавнысӧ, сы понда исполкомса удж вылӧ вӧлӧм омӧля и видзӧдлӧ.

Со кыдз вӧлӧм нажӧвитчӧ Трошевыд. Ветлас вӧлӧм тӧварла Емдінӧ — суточнӧйсӧ босьтӧ исполкомысь и кооперативысь. Бумагаяс да документъяс пӧвстысь сюралӧмаӧсь квайтымын шайт гӧгӧр дон нин пӧръясьӧмӧн вӧчӧм гижӧдъяс.

Ӧні выль юралысь шуӧ, лоӧ пӧ гудыртлыны став мӧймуся уджсӧ да шыӧдчыны судӧдз.

Сиктса Г.