ИСПОЛКОМӦ СЮРИСНЫ БУР ЙӦЗ

Август тӧлысьын Ыб вӧлӧсьтын, Визин уезд, муніс выльысь бӧрйӧм йӧз вӧлӧсьтувса сӧветӧ:

19-ӧд лунсянь заводитчис бӧрйысьны быд деревняын ӧтпырйӧ. Став шленсӧ профсоюзысь, партияысь, комсомолысь вӧлі ыстӧма вӧлӧсьт кузя быд деревняӧ, мед эськӧ сӧветӧ крестьяна бӧрйисны тӧдысьджык йӧзӧс.

Сӧветӧ сюрӧмаӧсь зэв бур йӧз, крестьяналы позьӧ виччысьны насянь бурджык олӧмъяс вӧчӧм.

Сэсся сы бӧрын вӧлі чукӧртлӧма бӧрйӧм йӧзӧс бӧрйыны президиумӧ шленъясӧс ас костсьыс.

Председательӧ сюрӧма Иван Демидович Таскаев, зэв бур морт, во куим нин важӧн служитлӧма Исполкомас, гӧлиник крестьянин.

Секретарас сюрӧма Данилов Иван Астимедонтович, сідзжӧ шань морт, важӧн вӧлі нин сійӧ ӧтикысь секретар Исполкомын.

Председатель помощникӧ сюрӧма Мальцов Микайлӧ Доримедонтович, ӧні на вылиникӧн локтӧма Гӧрд армияысь, тайӧ тшӧтш земельнӧй отделын юралысь.

Кань.