ВЫЛЬНОГСА ОЛӦМ

Миян обласьтын кӧнсюрӧ кутчысьӧны выль ногӧн овны. Неважӧн Важкуаын (Кулӧмдін уезд) вӧлӧма выль ногӧн кагалы ним сетӧм. Морт кӧкъямысдас волӧма видзӧдлыны, кыдзи попъястӧгыс сетӧны ним кагалы. Крестьяна шуӧны тайӧ — «выль ног пыртчӧмӧн». Дерт ӧд, сідзи и эм. Попъяс пыртӧны кагаӧс сьӧласьӧмӧн да пӧлясьӧмӧн, енмӧн-адӧн повзьӧдлӧмӧн; енмӧс пыдди пуктытӧм йӧз пыртӧны выль ногӧн овны: некодысь не повны, югыд туй кузя мунны. Со ӧд кутшӧма торъялӧны пыртчӧмъясыд, ӧтиыс — чужан лунсяньыс пемдӧдӧ, мӧдыс — чужан лунсяньыс югдӧдӧ.

Кагалы ним сетісны Ладимер, Ленин паметь кузя. Дзоля Ладимер вӧсна кӧсйысисны партийнӧй да комсомольскӧй ячейкаяс тӧждысьны 18 арӧсӧдз.