МЫЙ ЛЫДДЬЫНЫ

Неважӧн Мӧскуаын лэдзӧмаӧсь со кутшӧм выль нигаяс:

Внутриселенное землеустройство.

Тайӧ нигаас гижӧма видз-муӧн торъя крестьяна кост, сиктъяс, вӧлӧсьтъяс кост юксьӧм йылысь. Бура видз-му уджавны лӧсьыд, ӧтлаын кӧ муяс, видзьяс. Ӧні ӧд ӧти му ӧтилаын, мӧд — мӧдлаын, сы понда уна пӧра вошӧ му вылысь му вылӧ ветлӧмӧ.

Нига велӧдӧ, мый колӧ тӧдны выль оланінъясӧ мунігъясӧн, государстволысь удждысьысьяссӧ. Тайӧ нигасӧ колӧ судзӧдны быд библиотекаӧ.

Нига сулалӧ 60 ур.

Заповеди животноводства.

Скӧт видзны колӧ кужны. Кужны кутан сӧмын велӧдчӧмӧн. Некутшӧм крестьянин оз ӧткажитчы лишнӧй кринча йӧлысь. Лишнӧй кринча йӧв вермас лоны сӧмын бура мӧсъясӧс дӧзьӧритӧмӧн. Тайӧ нигаыс велӧдӧ, кутшӧм мӧскӧс колӧ видзны, мыйӧн, кыдзи вердны, кутшӧм гидъяс вӧчавны. Ӧні во гӧгӧр миян мӧс лысьтӧ медуна 80 ведра кымын (тайӧ бур мӧсъяс на ещӧ), бур мӧсъясӧс бӧрйӧмӧн да велӧдӧм ногӧн видзӧмӧн — мӧс сетас кык мында йӧв, вый. Тайӧ нигасӧ колӧ судзӧдны быд грамотнӧй крестьяналы.

Нига сулалӧ 20 ур.

Законы о земле и лесе.

Тайӧ нигаын Строев висьталӧ, мый колӧ тӧдны крестьяналы вӧр-му законъясысь. Став законъястӧ лыддьыны колӧ уна пӧра, да нинӧм сэтысь крестьяниныд оз и гӧгӧрво, тайӧ нигаысь позяс тӧдмавны этша пӧраӧн став коланторсӧ. Законъястӧ лыддьыны сьӧкыд, уна эм дзик гӧгӧрвотӧм кывъяс, тайӧ нигасӧ Строев гижӧма зэв гӧгӧрвоана кывйӧн, босьтӧма став примерсӧ крестьяна овмӧс пӧвстысь.

Доныс 16 ур.

Хмелеводство.

Таг вӧдитӧм колян войнаясӧдз ёнакодь паськавлӧма. Нулӧмаӧсь заграничаӧ сё сюрс пудйӧн. Нинӧм тӧдтӧг таг вӧдитны быд морт оз куж, сы понда Кирилец лэдзӧма нига. Тайӧ нига велӧдӧ, кыдзи колӧ таг пуктаскӧд вӧдитчыны. Пӧльза таг вӧдитӧмысь позьӧ босьтны ыджыдӧс. Кирилец нигаын шуӧ, таг вӧдитӧмӧн пӧ пӧльза муысь позьӧ босьтны дас мындаӧн унджык нянь вӧдитӧм дорысь.

Доныс 18 ур.

Клевер и тимофеевка.

Агроном А. Люст тайӧ нигасӧ лӧсьӧдӧма войвывса губерняясын олысь крестьяналы. Велӧдӧ, кыдзи колӧ вӧдитны муяс унджык торйӧ юклӧмӧн да турун кӧдзӧмӧн. Нига висьталӧ, кыдзи колӧ вуджны куим торйӧн му вӧдитӧмсянь уна торйӧ юклӧмӧн вӧдитӧмӧ.

Сулалӧ 10 ур.

_____

Тайӧ нигаяссӧ ставсӧ позьӧ судзӧдны со кутшӧм адрес серти: Москва, уг. Тверской и Моховой, 1‐й дом советов, магазин Наркомзема «Новая деревня».

Уна нига кӧ крестьяна ӧтвылысь пондасны судзӧдны, донсӧ чинтӧны пӧшти коймӧд пайсӧ (30%). Нига судзӧдігӧн позьӧ ыстыны задатки джын донсӧ, дас шайтысь кӧ абу уна, заказнӧй письмӧӧн пошта маркаясӧн; дас шайтысь кӧ уна — переводӧн. Мыйта деньга став нига вылас оз судзсьы — перъясны нигаяс воӧм бӧрын.