КОЛӦ ӦТУВТЧЫНЫ ӦТИ ИНТЕРНАЦИОНАЛӦ

Профессиональнӧй Интернационаллӧн удж нуӧдысь комитетыс чукӧстчӧма став му пасьта олысь уджалысь йӧз дорӧдз. Шуӧма, водзӧ пӧ торйӧн уджалӧмӧн некутшӧм тӧлк оз ло. Озыр йӧз пӧ век ӧтарӧ ӧтка-ӧтка йӧзтӧ кутасны жмитны. Став уджалысь йӧзыс кӧ водзӧ кутасны уджавны ӧтвылысь — сэки ёна кокньыд лоӧ мездысьныд озыр йӧз кипод улысь. Озыр йӧз дор сулалысьяс ӧнӧдз век на ылӧдлісны уджалысь йӧзӧс, кыдз-мый вермисны найӧс торйӧдлісны мӧда-мӧдсьыс, сы понда уджалысь йӧзӧс нартитӧм век ӧтарӧ чорзьӧ. Ӧнісянь колӧ вештыштны ӧтарӧ да мӧдарӧ ышнясьысь войтыртӧ. Найӧ некутшӧм кокньӧд уджалысьяслы оз сетны. Сӧмын ӧти мездысян туй мырсьысь йӧзлӧн — ӧтувтчыны став му пасьта ӧти Интернационал улӧ.