ВОЛГА Ю ДОРЫН НЯНЬ СУДЗСЯС

Мӧскуа. Видз-му понда тӧждысян Народнӧй Комиссариатын вӧлӧма сёрни Волга ю дорын нянь косьмӧм йылысь. Воддза воӧм юӧръяс серти, сэтчӧс крестьяналысь олӧм чайтӧны вӧлі зэв дзескыдӧн. Ӧні сэсянь локтӧмаӧсь видлавны ветлысьяс — да найӧ шуӧны: нянь пӧ воӧма, дерт эськӧ, жеба да, сӧмын абу сэтшӧма, кыдзи юӧртлісны сэтчӧс учрежденньӧяссянь. Крестьяна оз тшыгъявны, отсӧг сорӧн оласны выль няньӧдз. Таво мӧймуся дорысь на унджык кӧдзӧмаӧсь няньсӧ. Крестьяна зэв ёна ошкӧны сӧвет власьт. Кутчысьӧны выль ногӧн видз-му уджавны.